Anxo Pintos: "Sondeseu é unha milagre e unha pequena desfeita para os seus músicos"

SondeSeu estrea mañá no teatro García Barbón do Centro Cultural de Afundación un novo espectáculo, “EntreTerras”. O mestre de zanfona Anxo Pintos, presidente da Fundación SondeSeu e un dos responsables do show, falou na proposta da orquestra en el Atlántico TV.

Como xurde “Entre Terras”?

Hai anos fixeramos algo similar, “Arraianos”, con tres convidados da península. A nosa idea é contar cunha artista galego, un portugués y outro do resto da península. Queremos que a audiencia teña acceso ás artistas que están facendo cousas incribles ao redor da música patrimonial do seu territorio e que invada a zona de confort da orquestra para convertela en algo diferente. Escollemos a imaxe do volcán porque ao tempo que destrúe unha paisaxe, crea outra nova, os convidados veñen facer este labor.

Cales son eses artistas?

Daniel Pereira é o representante portugués. Amais de cantante e tocador de cavaquiño, é un activista cultural polo vencello umbilical galego. Organiza un festival en Braga no que sempre están autores de aquí. Xunto coa súa calidade, case obrigado este convite. Toca cavaquiño, unha guitarriña pequena que se trasladou as illas Canarias, Azores e Madeira. Comparte co artista canario Hirahi Afonso, esta sorte de sonoridade, xa que o cavaquiño e o timple son similares. É a oportunidade de escoitar a fusión artística de estes dous instrumentos. De Galicia estará Sés, ela sabe contar como moi poucas os sentimentos básicos e reivindicar un feminino de xeito moi intelixente en que todas persoas normais, incluídos os homes nos identificamos. É moi emocionante levalo a escena cos nosos arranxos. Tamén haberá unha estrea de Rodrigo Romaní en voz de Sés.

Polo que Romaní (fundador e primer director da orquestra) segue presente en SondeSeu.

Sempre o estará. Vainos seguir nutrindo de repertorio e agardamos que por moitos anos, siga vencellado á orquestra.

Esta será o primeiro show trala súa marcha?

Si. Xubilouse en novembro como director da escola, xa o fixera antes na orquestra. Agora temos a Xaquín Xesteira na agrupación e a min tócame ese protagonismo máis institucional de despacho. A sombra de Rodrigo é alongada, pero recollemos a inercia e a aprendizaxe que iniciamos con el para continuar un camiño, que esperamos sexa tan longo e frutífero.

Existe unha unión entre o folclore dos distintos territorios?

Dalgún xeito si. Se tiveramos que definir por algún xénero musical o que se fai en toda a península sería a xota. Aglutina a tódolos territorios peninsulares e das illas, temos máis en común do que adoitamos imaxinar e ao tempo esa diversidade é a que imos comprobar neste espectáculo.

SondeSeu abraiou como formación orquestral folc. Mantén esa singularidade?

É a única que existe en Galicia e no resto do Estado, e unha das poucas que hai en Europa. SondeSeu é unha milagre sostida polos 60 músicos e un pequeno descalabro para eles, xa que o que conseguen nos concertos non chega para pagar as horas de aparcadoiro preto de Etrad. Tamén ten o apoio constante do Concello e da ETrad que a nutre de músicos. Para este concerto contamos co patrocinio da Axencia de Turismo de Galicia e da Xunta. E contamos co apoio do público, xa temos asegurado un cheo no teatro.

Un privilexio.

Tocar na casa é complicado?

Vigo é o lugar que máis tensión xera. Queremos que os cidadáns, que son que sosteñen a escola cos seus impostos, pidan desfrutar ao máximo do noso quefacer diario.