O BNG demanda axuda para o litoral

nnn Desde a Vila de Bouzas, onde participou nun reparto na súa feira, o candidato do BNG Xabier P. Igrexas, defendeu a necesidade de reconciliar a cidade co seu litoral e reiterou a súa oposición aos proxectos de novos recheos na Ría. “Quero enviar desde Bouzas unha mensaxe alta e clara ao PP e ao PSOE, que semellan estar de acordo neste tema: o tempo dos recheos en Vigo rematou. Non imos tolerar ningunha nova agresión ambiental contra a nosa Ría”, declarou. n