Coia volve bailar a 'A Regueifa'

O baile da regueifa é unha danza tradicional, derivada da muiñeira vella, que se bailaba nos casamentos, polos noivos ou padriños, para repartir entre a veciñanza un bolo de pan que recibía ese nome de ‘regueifa’. A parroquia de San Martiño de Coia, no día do seu patrón, recuperou esta danza.

A peza segue unha coreografía, que nunca antes se interpretara en Vigo, montada nos anos 50 por José Iglesias “Melitón”, director de Vento das Cíes e mestre de Rogelio Filgueira, actual responsable de Ventos de Comesaña, a formación encargada de executala onte con cinco danzantes.